ربي لاتحرمني خدمة فاطمة عمار الكناني مكتوبة

ربي لاتحرمني خدمة فاطمة             ربي لاتحرمني خدمة فاطمة 

خادم الزهره اعلى بابك ياكريم ادخيلك 

طامع بعطفك إلهي من ذنوبي اشكيلك

 يلي تعرف بالسرائرا ماكو داعي احجيلك 

وآنه راكع وآنه ساجد دمعتي تناديلك 

كل وقت دعواتي يارب السمه            كل وقت دعواتي يارب السمه 

ربي لاتحرمني خدمة فاطمة            ربي لاتحرمني خدمة فاطمة 

مو لجل دنيه اخدمتها وانته ربي العالم 

عايف الدنيا بكبرها همي اصيرن خادم 

خادم الزهره مناي اتقول عني الوادم 

وبالحشر تلقى كتابي (هذا خادم فاطم )

ليل وانهار احلم بهالخاتمه          ليل وانهار احلم بهالخاتمه 

ربي لاتحرمني خدمة فاطمة        ربي لاتحرمني خدمة فاطمة

شلون ماتمنى اخدمج وانتي معنى اسنيني ؟

لجلج الباري خلقني وفضلتج تكويني 

بالشدد دربي اعلى بابج وانتي علمتيني 

ماتضل صعبه بحياتي لوصحت (غيثيني)

انتي جفج ياام حسن ماكرمه      انتي جفج ياام حسن ماكرمه 

ربي لاتحرمني خدمة فاطمة        ربي لاتحرمني خدمة فاطمة